Transcription
1
Monseigneur, monsieur de La Lande mon compère,
2
lequel est ung peu mal de sa personne, ma prié
3
vous escrire ce mot par son home present
4
porteur, par lequel il vous supplie très humblement
5
le vouloir de tant honorer que de commander
6
que son logis de Romans luy soit reservé avecques
7
deffences au fourrier de monsieur le prince
8
daulphin de ne y loger aulcunement. Ledit porteur
9
vous fera entendre comme certains des messieurs
10
de ladite ville ont faict tout le possible quil
11
ny logeast, mais il ne s’en est voulu garder,
12
à quoy, monseigneur, il vous plaira avoir esgard.
13
Aussi, monseigneur, je receuz hier une letre
14
de vous touchant le faict du moulin de
15
Chateauneuf d’Izere. Lon est après à faire ce
16
quil vous plaist de commander, qui sera pour
17
fin, après que je aurey salué voz bonnes
18
graces par mes très humbles recommendations
19
à voz bonnes graces, en prient Dieu,
20
monseigneur, qui vous doint très bonne vie et longue.
21
De vostre maison de Conflans, ce XXIme jour
22
de mars 1574
23
Vostre très humble serviteur
24
de Conflans